പേരില്ലാക്കവിത
വർണ്ണം വിവേചിച്ചറിയുന്ന ചക്ഷുസ്സെ
നീ കണ്ടതേതൊരു വർണ്ണപ്പകർച്ച?
മഞ്ഞയോ, കാവിയോ, ചെഞ്ചായപ്പെരുപ്പോ?
പച്ചയോ,നീലയോ, തൂവെണ്മയോ ?
മഞ്ഞക്കുള്ളിലെ മഞ്ഞിമ കണ്ടുവോ?
കാവി നിറപ്പൊരുളെന്തെന്നറിഞ്ഞുവോ?
ചെഞ്ചായ വർണ്ണ പ്രതീകങ്ങൾ തേടിയോ?
പച്ചക്കുള്ളിലെ പച്ചപ്പറിഞ്ഞുവോ?
നീലത്തിൽ മുങ്ങി നീലിമ കണ്ടുവോ?
തൂവെണ്മയെന്തെന്നും നീയറിഞ്ഞോ?
ലക്കും ലഗാനുമില്ലാതെ കുതിക്കുന്ന
തിമിരം പിടിച്ച വിവേകശൂന്യേ!
ലക്ഷ്യം തിരിക്കുക! തപം ചെയ്തു
പുണ്യങ്ങൾ നേടാൻ ശ്രമിക്കൂ! നിനക്ക് സ്വസ്തി.
No comments:
Post a Comment