എകാന്തപഥികൻ
പഥികൻ
ഞാനൊരേകാന്ത പഥികൻ
വേറിട്ട വഴികളിൽ
അവധൂതനാണ് ഞാൻ,
ആരോരുമറിയാത്തൊരജ്ഞാത പഥികൻ.
സത്യങ്ങൾ തേടിയാണീയെന്റെ യാത്ര
മിധ്യകൾക്കിടയിലൂടാണെന്റെ യാത്ര.
മുൻപിൻപിടംവലം, ചുറ്റിലുമജ്ഞാതർ
കരുതിക്കുഴിച്ച ചതിക്കുഴികൾ
അവയിലൊളിപ്പിച്ച പാഷാണമുള്ളുകൾ .....
ഗ്രാമങ്ങൾ താണ്ടി, നഗരങ്ങൾ താണ്ടി
ഈ യാത്ര തുടരുന്നു കാലങ്ങളായ്
സത്യങ്ങൾ തേടിയാണീയെന്റെ യാത്ര
മിധ്യകൾക്കിടയിലൂടാണെന്റെ യാത്ര.
ജാതി-മത-വർഗ്ഗീയ വിഷവായുവാണെന്റെ
നാടിന്റെയാകാശക്കീഴിലെല്ലാം.
സങ്കുചിത രാഷ്ട്രീയ തെയ്യങ്ങളാടുന്ന
കാഴ്ച്ചകൾ കണ്ടു മരവിച്ചു ചിത്തം.
കാതങ്ങൾ താണ്ടി ഞാൻ, ഈ നീണ്ട യാത്രയിൽ
കണ്ടതിന്നോളം നിഴൽ വിഗ്രഹങ്ങൾ.
കണ്ടില്ല സത്യസ്വരൂപന്റെ രൂപം
കണ്ടില്ല സത്യ പ്രകാശപ്പൊടിപ്പും.
No comments:
Post a Comment