ജീവിതം
നിഗൂഢ! അർത്ഥസംഭരണി സമ്പന്ന-
യലയാഴി ഭീകരി! അത്യഗാധ!
മുത്തൊളിപ്പിക്കുന്നോ,ളുപ്പുകാക്കുന്നോ-
ളൂഴിക്കു കാവലാൾ, നിഷ്കാമിയാണവൾ.
ആഴിയെ നേരിലറിയാതെയാഴി-
പ്പരപ്പിനെ താണ്ടുന്നതെങ്ങനെ നാം?
ചിന്തിച്ചു കണ്ടുള്ളമുള്ളത്തിൽ നിർത്തി
നിർഭയം മുന്നോട്ടൊരുമിച്ചു നീങ്ങാം.
ആഴപ്പരപ്പും, തിരമാല, കാറ്റും
ത്രിത്വത്തിലേകത്വമാഴിക്കു സ്വത്വം.
ജീവിതം സാഗര തരണ യജ്ഞം
മനനം നരൻ കണ്ട ദിവ്യായുധം.
No comments:
Post a Comment